Македонија уште од 60‑тите години на минатиот век, па до осамостојувањето, создаде многу брендови што го освоија тогашниот југословенски пазар.

На трпезата, пак, „скопско“ пиво, виното „т’га за југ“ на винаријата „Тиквеш“, но и „газоза“, „ти-ка“, а вредните домаќинки правеа кифлички и торти со маргаринот „кристал“.

Бонбониерите на „Европа“ се чуваа „за гости“, иако децата кришум поткраднуваа по некое чоколатце во надеж дека нема да бидат забележани. Прелив за садовите во кујната, на крајот, беше познатиот „сјај“. И „билјана“ и „сјај“ беа мејд ин „ОХИС“.

Логоа, пакувања, мириси, вкусови… што денес будат сеќавања. На едно поинакво време, на дом, на маалско дружење, на заедништво…