ВИДЕО: Дали знаете какви се поштенските марки на Македонија?
Дали знаете дека поштенските марки не се само средство за испраќање писма, туку и еден вид национална лична карта на државите?
Препорачано
Меѓу најбараните поштенски марки во светот се токму оние со природни мотиви – флора, фауна, геолошки и палеонтолошки богатства.
Македонските марки со природни мотиви можат да се поделат во неколку категории: марки со ендемски видови од флората и фауната, марки посветени на палеонтолошкото наследство, марки со приказ на екосистеми, локалитети и геолошко наследство, марки посветени на агробиодиверзитетот и сточните раси.
Интересно е што првите марки со природни мотиви се појавуваат во 1993 година, посветени на рибната фауна на Македонија. Веќе во 1994 следуваат марка со балканскиот рис и првата ботаничка марка – моликата.
Марките се изработуваат под надзор на Бирото за филателија при Македонска пошта, а годишно се издаваат од 27.000 до 30.000 примероци, на околу 18 различни теми.
