ВИДЕО: Црна вода со лош мирис тече од чешмите во Градско, алармира Левица
Црна вода од чешмите во Градско – до кога? – прашуваат од опозициската партија Левица, од каде велат дека ова е проблем веќе подолг период.
Препорачано
„Жителите на општина Градско веќе подолг период се соочуваат со сериозен и опасен проблем – од чешмите наместо чиста, питка вода, тече валкана, црна вода со непријатен мирис и сомнителна содржина. Ова не е само естетски или комунален проблем, туку директна закана по здравјето на сите граѓани, особено на децата и повозрасните. Наместо основно човеково право – пристап до чиста вода за пиење – граѓаните добиваат понижување, ризик од инфекции и трошоци за купување флаширана вода“, велат од партијата, која објави и снимка од водата.
„До кога ќе се труеме со оваа нечиста вода? Кој ќе понесе одговорност? Дали треба да дојде до епидемија за конечно да се преземат мерки? Бараме итна реакција од Општината и Јавното комунално претпријатие. Не бараме чуда – бараме само чиста вода“, велат од Левица.
