Возило на брзата помош е заглавена кај Клинички центар „Мајка Тереза“ во Скопје. На видеото што ни го испрати читател, може да се види дека улицата е преполна со возила, па е практично невозможно амбулантата да мрдне од местото, иако треба да има предност.

Според нашиот читател, ова често се случува, поради што лани повеќе луѓе настрадале во дворот на Клинички бидејќи не стигнале до местото каде што треба да бидат лекувани.

„Пример, брзата помош од Ѓорче Петров до Клинички стигнува за 10 минути, а во дворот некогаш заглавуваат по еден час“, вели читателот.

„Слободен печат“ на неколку пати пишуваше за хаосот и безредието кое со години владее на паркингот на Клиничкиот центар. Паркинзите се премали за да ги соберат сите возила, па паркира кој каде ќе стигне. Автомобили остануваат заглавени и не можат да излезат од кругот на Државна болница, а парализиран е и сообраќајот на „Водњанска“.

ФОТО+ВИДЕО | Сообраќајниот хаос на Клинички