ВИДЕО: Бод за Адеми, Милан го освои Глазгов, успешен и Тотенхем!
Нови мечеви од првото коло од сезоната во Лига Европа, во дербито одиграно во Глазгов екипата на Милан триумфираше со 1:3 против Селтик.
Првите два гола за „росонерите“ беа реализирани од страна на Круниќ и Диаз во првото полувреме, а во вториот дел Шкотите единствено успеаја да го ублажат поразот преку Елјунуси во 76 минута од средбата.
Калчолигашот од „Сан Сиро“ ги потврди трите бода во самиот финиш од средбата благодарение на норвешкиот интернационалец Хауге.
Динамо Загреб на својот „Максимир“ ремизираше без голови против Феенорд (0:0). За хрватскиот клуб целиот меч го одигра македонскиот репрезентативец Аријан Адеми.
Холанѓаните имаа убава можност да ги освојат трите бода, но во осмата минута пенал не реализираше Бергхуис. Воедно и беа со играч помалку од 73 минута поради вториот жолт картон на Сенеси, но ваквиот момент не го искористија „модрите“, па на крајот беа поделени бодовите.
Тотенхем ја оправда фаворитската улога во Лондон, без поголеми проблеми со 3:0 го совлада австрискиот ЛАСК. Во 18 минута гол серијата ја стартуваше Лукас, потоа автогол си постигна Андраде, а во листата на стрелците се запиша и Хјунг-мин (84`).
Црвена звезда загуби во Германија од Хофенхајм (2:0), германскиот претставник славеше со погодоците на Баумгартнер во 64 минута и Дабур во судиското надополнување (90+3`).
Лига Европа, 1. коло, резултати –
Брага-АЕК 3:0
Селтик-Милан 1:3
Динамо Загреб-Феенорд 0:0
Хофенхајм-Црвена звезда 2:0
Лестер-Зорја 3:0
Либерец-Гент 1:0
Лудогорец-Антверпен 1:2
Макаби Тел Авив-Карабах 1:0
Спарта Прага-Лил 1:4
Тотенхем-ЛАСК 3:0
Виљареал-Сиваспор 5:3
Волфсбергер-ЦСКА Москва 1:1