Најбизарниот потег во викендот ни пристигнува од Колумбија во натпреварот помеѓу Санта Фе и Јагуарес.

Во центарот на вниманието се најде фудбалерот Геисон Переа од редовите на Санта Фе. Тој направи потег со кој ја шокираше фудбалската јавност. Јагуарес имаше слободен удар во зоната на удар, а тогаш следуваше зачудувачки потег од играчот на Санта Фе.

Од некоја причина Переа одлучи да ги соблече гаќите и така да го деконцентрира противникот. Сите кои ја забележаа оваа ситуација останаа шокирани. Во Колумбија ВАР не се користи, а судиите на овој натпревар не го забележаа овој потег на Переа па затоа помина неказнето.

Колумбиските медиуми овој потег го коментираат како еден од најбизарните некогаш видени. Треба да се знае и дека моментот кога се случи овој момент е само четвртата минута од средбата.