Францускиот напаѓач Карим Бензема продолжува да блеска во дресот на Ал Хилал, откако на последниот натпревар против Ал-Колод беше еден од најзаслужните за убедливата победа од 6-0, постигнувајќи хет-трик.

Бензема трите погодоци ги постигна во првото полувреме во 8., 31. и 45. минута. Покрај трите гола, во завршницата запиша и асистенција, а имаше можност да го збогати учинокот, но не реализираше удар од белата точка.

Ова е негов четврти хет-трик сезонава, а втор откако го носи дресот на Ал Хилал. Да потсетиме, сезоната ја започна во Ал Итихад, но по несогласувања со управата и тренерот го напушти клубот.

Во шампионатот досега зад своето име има 16 голови и се наоѓа на четвртото место на листата на стрелци, иако пропушти дури девет натпревари поради повреда.