Македонскиот репрезентативец и капитен Енис Барди нема по добро да го памети финалето од турскиот Куп, откако неговиот Коњаспор беше поразен од Трабзонспор со 2-1, а токму Барди не успеа да реализира пенал во клучен момент од натпреварот.

По израмнувањето на Коњаспор на стартот од второто полувреме, македонскиот играч во 58. минута доби можност од белата точка да му донесе предност на својот тим, но неговиот удар заврши во стативата од голот што го чуваше Онана.

Казната пристигна десет минути пред крајот, кога судијата покажа на пенал и на спротивната страна. Онаучи беше сигурен реализатор за Трабзонспор и го постави конечниот резултат за триумф во финалето.

Претходно, токму Онаучи го отвори резултатот за Трабзонспор, додека Мулека на почетокот од второто полувреме донесе израмнување и надеж за Коњаспор, која сепак не беше доволна за трофеј.

Шкендија си ја сече гранката на која „растеше“