ВИДЕО | Бајден: Путин е агресор, Путин одбра војна и сега ќе се соочи со последиците
Американскиот претседател Џо Бајден во обраќањето од Белата куќа нагласи дека со недели Русија го планирала нападот врз Украина. Распоредувала војници, воена опрема, полски болници и се што е потребно за почеток на воена инвазија.
Бајден нагласи дека со недели предупредувале на подготовките на Русија, дури и ги објавувале разузнавачките податоци од теренот за да го спречат во намерите да ја нападне Украина.
-Путин е агресор, Путин одбра војната и сега тој и неговата земја ќе се соочат со последиците, нагласи Бајден.
"Putin is the aggressor. Putin chose this war. And now he and his country will bear the consequences," Biden says on Russia's invasion of Ukraine https://t.co/fj7fZg8xM7 pic.twitter.com/SBDmmDN15X
— Bloomberg Quicktake (@Quicktake) February 24, 2022
Бајден рече дека санкциите се дизајнирани да имаат долгорочно влијание врз Русија и да го минимизираат влијанието врз САД и нивните сојузници. И тој рече дека Вашингтон е подготвен да направи повеќе.
Бајден рече дека санкциите ќе ја ограничат способноста на Русија да прави бизнис во долари, евра, фунти и јени.
Бајден рече дека НАТО ќе се состане во петок за да одреди дополнителни мерки. Тој повтори дека САД нема да се вклучат во војна со Русија, но дека ќе ги исполнат обврските од член 5 за одбрана на партнерите во НАТО.
Бајден рече дека ова е опасен момент за цела Европа и дека ги овластил војниците кои биле ставени на готвос да се распоредат во Германија.
„Агресијата на Путин против Украина на крајот скапо ќе ја чини Русија“, рече Бајден. „Путин ќе биде непожелен на меѓународната сцена.
Бајден се состана со своите колеги од Г7 претходно во четвртокот за да подготви построги мерки против Русија откако Путин го започна нападот.