„Авионот е во твои раце“, наводно му рекол капетанот Сумит Сабхарвал на првиот офицер Клајв Кундер непосредно пред падот на авионот, изјавиле за италијанскиот весник „Кориере дела Сера“ два извори запознаени со содржината на снимката.

Според истите извори, како што пренесува Дејли Мејл, иако не е невообичаено капетанот да му ја препушти контролата на леталото на првиот офицер за време на полетување, пилоти кои се запознати со прелиминарниот извештај за несреќата процениле дека Кундер во тој момент „имал полни раце работа“ летајќи го авионот.

Авионот полетал во 13:38:39 часот и останал во воздух околу 30 секунди пред да ја изгуби моќта и да се урне во зграда на студентски дом.

Патнички авион што леташе од меѓународниот аеродром Сардар Валабхаи Пател во Ахмедабад кон аеродромот Гетвик во Лондон, се урна во областа Мегани Нагар кратко по полетувањето на 12 јуни.

Ер Индија објави дека во авионот на летот „AI171“ имало 242 патници и членови на екипажот, од кои 169 биле индиски, 53 британски, 7 португалски и 1 канадски државјанин.

Компанијата потврди дека 241 лице во авионот го загубија животите, а единствениот преживеан е на лекување.