Фудбалерите на Аталанта денеска го победија Јувентус во Бергамо со 3:0 и се пласираа во полуфиналето на Купот на Италија. Црногорскиот напаѓач Никола Крстовиќ играше во последните 15 минути и забележа асистенција.

Аталанта поведе во 27 минута од пенал кој го реализираше Скамака. Сулемана го зголеми резултатот на 2:0 во 77 минута, по центаршутот на Беланова. Конечниот епилог го постави Пашалиќ во 85 минута од средбата.

Аталанта со тоа се пласираше во полуфиналето по четврти пат во последните седум години.

За финалето, тимот на Рафаел Паладино ќе се бори со подобриот тим од пресметката Болоња – Лацио.

Болоња, која го победи Милан со 1:0 во финалето во Рим минатата сезона, го брани трофејот во италијанскиот куп.