ВИДЕО | Арифи: Судството застанува на свои нозе, важно е министрите и премиерот да се дистанцираат од него
Универзитетската професорка Беса Арифи во гостувањето на Утрински брифинг нагласи дека е важно политичарите да се дистанцираат и да не сакаат да влијаат врз судството.
-Тоа треба да се поздрави бидејќи до сега тоа не беше така. На директен или на индиректен начин до сега се знаеше кој како интервенира, па дури и слушнавме зво незаконско прислушуваните материјали за тоа. Многу е важно министрите, премиерот да се дистанцираат од судството и да му овозможат простор за работа. Кај нас ова долго време не функционираше како што треба, па дури и самото судство имаше дилеми дали е власт или не. Јас мислам дека правилното функционирање на судството се гледа преку нивните пресуди и мислам дека почнуваме да имаме навистина интересни и многу важни пресуди кои се за поздравување. Таква е пресудата за Таргет – Тврдина што беше мајка на сите предмети. Иако во прв степен се дојде до многу достоинствен заклучок и навистина покажува дека судството застанува на свои нозе и може да носи и такви одлуки и пресуди кои имаат важна порака во однос на превенцијата на ваквиот вид на криминал и се праќа порака дека ваквите работи нема да се толерираат, изјави во Утрински брифинг универзитетската професорка по казнено право, Беса Арифи.
Таа смета дека и кај Обвинителството има интересен развој.
-Има одлични обвинители кои навистина добро ја вршат работата, особено со случаите од СЈО и резултатите во овие пресуди кои што сега ги гледаме е една одлична работа на обвинителството.
Целиот разговор со универзитетската професорка Беса Арифи погледнете го во видеото: