Четворицата Саудијци кои учествуваа во убиството на новинарот во Вашингтон пост, Џамал Кашоги во Истанбул во 2018 година, биле обучувани од САД, една година порано врз основа на договор одобрен од Стејт департментот.

Кашоги, кој водеше медиумска хајка пишувајќи критички колумни за „Вашингтон пост“ за саудискиот престолонаследник принцот Мохамед бин Салман, беше убиен од тим оперативци поврзани со принцот, а неговото тело беше распарчено во конзулатот на кралството во Истанбул во октомври 2018 година.

Во извештајот на американската разузнавачка служба од февруари се наведува дека саудискиот престолонаследник ја одобрил операцијата за апсење или убиство на новинари.

Обуката на ликвидаторите беше спроведена од групата „Тиер 1“, која е во сопственост на приватната компанија „Серберус Капитал Менаџмент“, и имаше главна задача да ги штити саудиските лидери

Како одговор на извештајот за медиумите, Стејт департментот соопшти дека според американските закони, не може да се коментира или детализира за лиценцираните одбранбени активности и дека американската политика кон Саудиска Арабија го нагласува владеењето на правото и почитувањето на човечки права.

Ријад првично го негираше убиството, а потоа тврдеше дека тоа го извршиле саудиски агенти кои дејствувале самостојно. Според саудиските власти, станува збор за „одметничка операција“. За убиството обвинија дваесетина одметнати пониски офицери, од кои пет беа осудени на смрт по едногодишно судење.

Како една од причините за ликивидацијата на Кашоги се споменува и користењето на осиромашен ураниум во саудиската воена интервенција во Јемен каде по наредба на Бин Салман било користено оружје со осиромашен ураниум забрането за употреба, а за кое Кашоги преку своите колумни во „Вашингтон пост“ јавно го обвинувал. Во своите колумни Кашоги неретко ги прозивал и САД дека му продаваат оружје на саудијскиот принц и поради гоемиот профит од продажбата , ги затвараат очите за саудиските злосторства во војната со Јемен.