Лидерите на Русија, Франција и Германија одржаа видео конференција со фокус на вакцините против коронавирусот, нуклеарниот спор со Иран и конфликтите во источна Украина, Либија и Сирија.

Кремљ соопшти дека лидерите на трите држави имале „отворен и деловен“ видео разговор, во чиј фокус била и опцијата за регистрација на руската вакцина „Спутник V“ во Европската унија и можноста за нејзино доставување и заедничко производство во земјите на ЕУ. Опцијата, до вчера непризнаената и ривалска вакцина, да влезе на европско тло, е резултат на неуспехот на западните фармацевски компани да ги достават потребните дози на вакцини за потребите на европските граѓани.

Познато е дека покрај Фајзер и Модерна кои не успеваат да произведат и дистрибуираат свои вакцини за Европа, неодамна и бритaнско – шведската АстраЗенека најави дека нема да го испочитува договорот со европската комисија и наместо 300 милиони ќе достави околу 100 милиони дфози вакцини за потребите на ЕУ.

Сето ова отвори простор европјаните да се согласат да разговараат за можноста за влез на политички и бизнис ривалската вакцина Спутник В на европска територија, бидејки динамиката на имунизирањето во Европа заостанува зад брзината на ширењето на вирусот.

Од друга страна и Москва очигледно одлучи да ги затопли односите со ЕУ и да започне да соработува, особено по последните настани, кога заради неколкју горливи политчки и економски причини Брисел воведе санкции за Русија.

Се чини дека апсењето на Навални, Северниот поток и обвинувањето за агресивното руско мешање во одредени региони во светот сега ќе се ставаат на страна, и ќе се даде приоритет за зедничка борба против светската пандемија. Се разбира по евентулниот договор на Меркел, Макрон и Путин, најверојатно ќе треба и Европската агенција за лекови да даде дозвола за употреба на Спутник В, па можеби ќе биде опфатена и во листата на вакцини признанени во таканаречените ковид пасоши , кои се пизвесно ќе се воведуваат за патување во земјите во и вон ЕУ.

Засега ќе се чека исходот, но токму руската вакцина и засега немањето дозвола за нејзина набавка и употреба, синоќа ја урна Словачката влада на премиерот Игор Матович. Причина за паѓањето на неговата влада е тоа што беше обелоденето дека преку таен договор владата договорила да набави 2 милиони дози од руската вакцина „Спутник В“. За овој договор не биле известени коалиционите партнери на Матович, па под нивни притисок тој прифати да даде оставка од премиерското столче. Тоа е првата европска влада која паѓа поради пандемијата.