Двајца екоактивисти денеска се обидоа, но не успеаја да ги залепат рацете до ремек-делото на Едвард Мунк „Врисок“ од 1893 година во музеј во Осло, соопшти норвешката полиција.

Нема оштетувања на прочуената слика, која прикажува згрчена фигура која вреска, објави АП.

Полицијата соопшти дека денеска добила повик од Националниот музеј на Норвешка и дека три лица се „под контрола“ на органите на редот.

Punks. The only thing they accomplish is that art available for all will be more protected. Skrik #munch pic.twitter.com/wPtOQ2OWPK

— Karoline (@karolineisanerd) November 11, 2022

Еден од нив снимаше ги снимаше другите двајца, кои се обиделе да се залепат до сликата, пренесе норвешката агенција NTB.

Просторијата што ја содржи сликата заштитена со стакло е „ослободена за јавноста и затворена“ и ќе биде повторно отворена што е можно поскоро, соопшти музејот, а остатокот остана отворен.