Виц на денот: Љубовна облека

Виц на денот
Виц на денот / Фото: Архива на „Слободен печат“

Мајката ненајавена се појавила во домот на својот син. Таа пристојно тропнала на врата и веднаш влегла внатре. Била вчудоневидена кога ја здогледала својата снаа како лежи на кревет целосно гола. Во позадина свирела нежна музика, а во воздухот лебдел пријатен мирис од заводлив парфем.

– Што правиш? – ја прашала свекрвата.
– Го чекам мојот и твојот Иван да се врати од работа – одговорила снаата.
– Но, ти си гола – рекла свекрвата.
– Тоа е мојата облека за љубов – рекла снаата.
– Облека за љубов? Па ти немаш ништо на себе!
– Иван е пресреќен кога ја носам таа облека, секој пат кога ќе ме види во неа станува неверојатно романтичен и со часови не ме остава на мир – рекла снаата.

Свекрвата си заминала, кога дошла дома се соблекла, се намирисила со најдобриот парфем, ги придушила светлата, легнала на кревет и го причекала мажот да дојде од работа. Кога нејзиниот сопруг си дошол дома, влегол во дневната соба и ја здогледал својата сопруга како лежи на кауч во провокативна поза.

– Што е тоа? – ја прашал сопругата.
– Тоа е мојата љубовна облека – заводнички му одговорила жената.
– Е,па треба да ја испеглаш – ѝ рекол мажот.

Видео на денот