Верижна сообраќајна несреќа попладнево се случила веднаш по наплатната станица кај Петровец што доведе сериозни застои во сообраќајот на влезот во Скопје.

Според објави и сведоштва на граѓани на социјалните мрежи, силната магла значително ја намалила видливоста на автопатот, што, според нив, било една од главните причини за судирот и за дополнителното забавување на сообраќајот.

Возилата се движат со тешкотии, а на оваа делница се формирале и долги колони.

Прегазена жена на улица во Ѓорче Петров, со тешки повреди пренесена во болница

Полициски екипи се на терен, вршат увид и го регулираат сообраќајот, со цел да се воспостави нормално одвивање.

Засега нема официјални информации за повредени, а надлежните институции најавуваат повеќе детали по завршувањето на истрагата.

Од Министерството за внатрешни работи, како и од возачите кои се затекнале на местото, упатуваат апел до сите учесници во сообраќајот да возат внимателно, со намалена брзина, да одржуваат поголемо безбедно растојание и целосно да ги прилагодат возачките навики на условите со намалена видливост поради маглата.

Загина возач откако со автомобил излета од патот Кочани – Виница