Поранешниот министер за здравство Венко Филипче вели дека до него како министер, не стигнала информација оти во 2020 година на Клиниката за онкологија имало медицинска сестра што крадела терапија. Како што претходно објави „Слободен печат“, сестрата што крадела во 2020 година, пак била вратена на работа, во дневната болница каде во 2023 година го повторила делото.

-Не стигнала до мене информација дека се истражува или дека се случила таква работа тогаш, рече Филипче на Анкетната комисија која што истражува евентуална политичка одговорност за скандалот Онкологија.

Филипче одговарајќи на пратеничките прашања истакна дека КАТО системот, односно системот за компјутерско припремање на цитостатици, не бил негов предлог.

-Не беше мој предлог, да бил мој предлог ќе сум го имплементирал, рече Филипче.