Грчките земјоделци и вечерва го блокираат граничниот премин „Евзони-Богородица“, а тој, според најавите, ќе биде затворен од 19 до 23 часот по македонско време.

Според грчката новинска агенција АНА-МПА, за вечерва планирана е блокада и на граничниот премин Ники (Меџитлија), но од 20 часот до полноќ, а таа, како и во изминатите денови, ќе се однесува само на камионите.

Протестите на земјоделците започнаа на 30 ноември, со неколкучасовно блокирање на граничните премини, но и на железнички станици, автопатишта, пристаништа, аеродроми и други јавни објекти во Грција.