Вардар во Хиподром ги почна подготовките за новата сезона, ќе одигра и натпревари во Турција
Вардар денеска во својот тренинг-центар во Хиподром ги започна подготовките за новата сезона, а потоа ќе следи и втор дел во Турција.
Препорачано
Во стартната фаза од подготовките, шефот на стручниот штаб Гоце Седлоски нема да може да смета на африканските интернационалци Роџерс Мато, Фаустин Сенхор, Ибрахим Олаосебикан и Ворен Чимпембе, кои подоцна ќе се приклучат на екипата во Скопје.
Експедицијата на Вардар патува за Сиде, Турција, на 13 јануари, а во текот на престојот се планирани шест пријателски натпревари, од кои за пет веќе се познати противниците.
17 јануари – Јаблонец (Чешка)
20 јануари – противникот дополнително ќе биде одреден
23 јануари – Мотор Лублин (Полска)
26 јануари – Махачкала (Русија)
29 јануари – Ахмат Грозни (Русија)
2 февруари – Алашкерт (Ерменија)
Вардар во моментов е лидер на табелата во ПМФЛ и со големи амбиции ја продолжува сезоната, во која и натаму е во трка за двата трофеј, шампионската титула во првенството и Купот на Македонија.
