Ваков гест не се случил во Македонија досега: Охридски газда ги затвори своите објекти и на вработените им плати одмор во Турција
Сопственикот на ИТ Кафе во Охрид ги испрати своите 140 вработени на платен одмор во Турција, стои во објава на Твитер.
-ИТ кафе затворено заедно со уште еден ресторан. Причина? Епа газдата на тие 2 објекти и на уште една фабрика си им уплати на вработените (140 на број) одмор во Турција Ultra all Inclusive. Многу од нив прв пат се качија во авион, пишува на Твитер налогот на Плавуша со црн корен.
Викенд-топ сезона во Охрид ИТ кафе затворено заедно со уште еден ресторан.Причина?Епа газдата на тие 2 објекти и на уште една фабрика си им уплати на вработените (140 на број) одмор во Турција ултра олл.Многу од нив прв пат се качија во авион. pic.twitter.com/LMMXNhhxkZ
— плавуша со црн корен (@plav_usa) September 13, 2020
На фејсбук-профилот на овој објект на 11 септември е споделена објава која гласи дека периодов ИТ кафе нема да работи поради колективен одмор на вработените.
Вакво хумано дело од бизнисмен досега не е забележано во Македонија, посебно не во време кога многу приватни бизниси „настрадаа“ поради пандемијата од коронавирус.