Утринско искушение за убав почеток на неделата: Плазма коцки со путер од кикиритки
Ништо подобро од протеински богат почеток на денот и слатко освестување за убав почеток на неделата.
Светските патници многу добро знаат и не забораваат на „Reese’s“ колачињата, слаткото задоволство кое е неодоливо за сите љубители на путер од кикиритки.
Во обид да си го дозволиме тоа задоволство за убав почеток на денот, плазма коцките со путер од кикиритки се едноставни, лесни за приготвување и ни нудат утринско разигрување на непцето.
View this post on Instagram
Состојки
300 гр мелена плазма
400 гр шеќер во прав
200 гр путер
300 гр путер од кикиритки
Глазура:
150 гр путер од кикиритки
200 гр млечно чоколадо
50 гр сецкани кикиритки
View this post on Instagram
Подготовка
Во садот истурете мелена плазма и шеќер во прав . Промешајте ја смесата со шпатула.
Додадете путер од кикиритки и убаво измешајте ја смесата со рака. На крајот, додадете го растопениот путер и продолжете со мешање.
Кога убаво ќе се соедини смесата, префрлете ја на плех обложен со хартија за печење. Истурете ја смесата убаво со раката и израмнете ја со шпатула.
Оставете ја тавата да се излади во замрзнувач околу 15 минути.
Во меѓувреме, подгответе ја глазурата. Во растопеното чоколадо додајте путер од кикиритки и лесно измешајте со шпатула додека убаво не се соедини смесата.
Истурете ја глазурата над изладениот колач и посипете со сецкани кикиритки. Оставете ја тортата добро да се излади. Сечеме коцки со саканата големина и уживаме во прекрасниот вкус.
View this post on Instagram
