Уште еден македонски репрезентативец пред трансфер во Италија!

Бобан Николов повторно ќе игра фудбал на романско тло/фото: EPA-EFE/GEORGI LICOVSKI

Како што информираа денеска добро познатиот италијански новинар Џанлука Ди Марцио, Бобан Николов е пред трансфер во редовите на Лече.

Досега ги бранеше боите на унгарскиот клуб МОЛ Фехервар, а се очекува во текот на денешниот ден да ги има лекарските прегледи, по што ќе следува потписот на договорот.

Лече инаку моментно настапува во италијанската Серија Б каде после 18 одиграни натпревари се наоѓа на петтото место со 29 бодови и е во трка за една од позициите кои водат во елитата. Во Серија А веќе имаме тројца македонски репрезентативци, Горан Пандев во Џенова, Елиф Елмас за Наполи и Илија Несторовски во Удинезе.

Нашиот 26-годишен играч Николов пред да се пресели во Унгарија, беше дел од екипите на романскиот Вииторул и Вардар.

Настапуваше за МОЛ Фехервар од сезоната 2017/2018, во тамошното унгарско првенство запиша севкупно седум голови, последниот го имаше во октомври лани во домашната висока победа над Ујпешт (5:1).

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот