Петтиот носител славеше со убедливи 6:4,6:1,6:0 за точно 100 минути игра.
Медведев во првиот сет веднаш направи два брејка и дојде до предност од 5:2, а рибрејкот на американскиот тенисер само на момент го забави освојувањето на првиот сет од страна на петтиот носител.

Во вториот сет, Медведев имаше фуриозен старт и освои четири гема во низа со што го навести крајот на сетот но и на мечот. Тиафо успеа да освои само еден гем во преостанатите осум гема со што доживеа убедлив пораз.

Нареден противник на Данил Медведев во четвртфиналето ќе биде неговиот сонародник Андреј Рубљев кој во четири сета со 4:6,6:3,6:3,6:3 го елиминира Италијанецот Беретини.

Кај дамите, последната четвртфиналистка е Викторија Азаренка која во три сета ја совлада Каролина Мучова. Поранешната прва тенисерка на светот славеше со пресврт и тоа со 5:7,6:1,6:4. Азаренка која слабо го започна мечот и доживеа брејк на свој сервис успеа да се врати во 10. гем од првиот сет кога израмни на 5:5 во веднаш потоа Мучова направи рибрејк и со сигурен сервис го освои првиот сет.

Одговорот на Азаренка беше брутален, вториот сет го освои за само 34. минути притоа правејќи два брејка.

Третиот сет помина во голема борба на двете тенисерки, Азаренка прва направи брејк но Мучова експресно возврати за 2:2 во гемови. Клучен за победникот беше седмиот гем кога Азаренка повторно прави брејк, но овој пат е сигурна на свој сервис и на крајот славеше со 6:4.

Нејзина противничка во четртфиналето ќе биде Елис Мертенс која во два сета со 6:3,6:3 ја совлада четвртата тенисерка на светот Софија Кенин.