Унијата на ЗМСТАС предводена од здружението „ЗА НАС” јавно ги осудува сите обиди за манипулација при разрешување на случајот со родилката од Дебар, воедно наша колешка и член на здружението, сестра Јилдиз Веапоска. 

Апелираме до надлежните овој случај да го решат што поскоро, пред се во име на хуманоста, но и во име на здравствените работници, односно медицинските сестри кои се незаменлива алка во здравствениот систем. Само на тој начин ќе се врати довербата во системот и во правичноста на нашата држава. 

„Сестра Веапоска по траумите кои и беа предизвикани при породувањето во струшката болница побара наша поддршка и реакција која секако ја добива како наш член, наша колешка, но и како жена и мајка која заслужува правдата да излезе на виделина. За жал предизвиканата штета е непоправлива, но овој случај мора да има транспарентен крај.” – реагираат од извршниот одбор на Унијата. 

Унијата на ЗМСТАС ги повикува сите членови и хумани луѓе јавно да ја дадат својата поддршка преку потпишување на петицијата и да побараат решавање на целиот случај