Неколку уметници се огорчени од вештачката интелигенција која за неколку секунди ги копира стиловите за кои тие со години се борат да ги нацртаат. Бесот избувна во уметничката заедница минатата година со најавата за програми за генеративна вештачка интелигенција (ВИ) кои можат брзо да извршуваат команди како цртање на начинот на кој на еден уметник му треба подолго време.

Ваквите дела од вештачката интелигенција се произведуваат без согласност на авторот и без известување за чиј стил е копиран или компензација за оригиналниот уметник. Во јануари, уметниците, вклучувајќи ги Сара Андерсен и Карла Ортиз, поднесоа тужба против „ДримАп“, „Мидџурни“ и „Стејбл Дифјужн“, три модели на вештачка интелигенција за генерирање слики врз основа на уметнички дела пронајдени на интернетот.

Андерсен за „АФП“ изјави дека се чувствувала „оштетена“ кога првпат го видела цртежот нацртан со помош на вештачка интелигенција, кој бил копија на стилот од нејзиниот стрип „Заби“. Таа луто реагираше на „Твитер“ и коментарот стана вирален, па и други револтирани уметници допреа до неа со своите приказни.

So regarding AI:⁰ please remember that the work submitted to AI to teach it to mimic our styles was very often submitted without the consent of the artist. Had I been asked, I wouldn't have allowed developers to take or use my work for that purpose.

— Sarah Andersen (@SarahCAndersen) October 21, 2022

Поддржувачите на тужбата се надеваат дека ќе воспостават правен преседан што ќе ги регулира генеративните програми што ги копираат стиловите на уметниците. Уметниците сакаат креаторите на вештачката интелигенција да обезбедат лиценци за создавање дела што се користат во програмите. Бараат и соодветен надомест.

Таксата може да биде во форма на лиценцирање, вели Ортиз, и треба да биде соодветна. Би било погрешно уметниците да „добијат неколку центи додека компанијата добива милиони“ долари, додаде Ортиз, која работела во „Марвел“.

Во тужбата се наведува дека дизајнерот на видео игри Џејсон Ален минатата година победил на натпреварот за Државниот саем во Колорадо со „уметност“ создадена со помош на „Мидџурни“.

„Уметноста е мртва, пријателе. Готово е. Вештачката интелигенција победи. Луѓето изгубија“, изјави Ален за „Њујорк Тајмс“.

Музејот „Мавришиус“ во Холандија предизвика контроверзии со изложување на слика генерирана од вештачка интелигенција инспирирана од „Девојката со бисерна обетка“ на Вермер. Балетот во Сан Франциско, во меѓувреме, предизвика возбуда користејќи го „Мидџурни“ за да создаде илустрации што се користат во промотивниот материјал за изведбите на „Оревокршачка“ во декември.

„Тоа е природна последица на нешто што е едноставно, евтино и достапно“, рече Андерсен. „Секако дека ќе ја искористат таа опција, дури и ако е неетичка“, додаде таа.

Компаниите кои се бранат од тужби за прекршување на авторските права од уметниците, најверојатно ќе тврдат дека тоа е „фер употреба“, исклучок што понекогаш е дозволен.

„Волшебниот збор што се користи во американското правосудство е „трансформативен“, рече адвокатот Метју Батерик. „Дали ова е нова употреба на делото заштитено со авторски права или го заменува оригиналот на пазарот?“

Уметниците се свртуваат не само кон судовите, туку и кон технологијата за да се одбранат од генеративната вештачка интелигенција. Тим од Универзитетот во Чикаго минатата недела лансираше софтвер „Глејз“ за заштита на оригиналните дела.

Some Glaze updates:
1. Looks like glaze needs its own twitter so I can stop using my personal account. We registered @TheGlazeProject and will start using it soonish.
2. Windows GPU and metadata issues are taking longer than expected. Will push update when ready. Sorry for delays

— Ben Zhao (@ravenben) March 27, 2023

Програмата додава слој на податоци над сликите кои, иако се невидливи за човечкото око, делуваат како одбрана од вештачката интелигенција, рече Шон Шан, докторант задолжен за проектот. Батерик предвидува „игра на мачка и глушец“ додека развивачите на вештачка интелигенција смислуваат начини да ја заобиколат таквата одбрана. Батерик се грижи и за ефектот на вештачката интелигенција врз човечкиот дух.

„Кога научната фантастика замислува апокалипса предизвикана од вештачка интелигенција, тоа е нешто како роботи кои доаѓаат преку ридот со ласерски пиштоли“, рече тој. „Мислам дека начинот на кој вештачката интелигенција го поразува човештвото е повеќе од тоа што луѓето едноставно се откажуваат и не сакаат да создаваат нови работи и (тоа) го цица животот на човештвото“.