Украински авион во Кабул киднапиран и пренасочен кон Иран
Украински авион кој слета во Авганистан поради евакуација на Украинци е киднапиран од неидентификувани вооружени лица, и леталото е пренасочено кон Иран, изјави денеска заменик украинскиот министер за надворешни работи Јевгениј Јенин, пренесува Џерусалим Пост.
„Авионот е практично украден за да одлета во Иран со неидентификувана група патници, наместо да превезе Украинци. Нашите три следни обиди за евакуација не беа успешни, бидејќи луѓето не можеа да влезат во аеродромот“ посочи Јенин, додавајќи оти минатата недела бил киднапиран друг авион.
Но, Јанин не наведе што се случи со авионот и дали Киев ќе се обиде да го поврати леталото или како украинските државјани ќе бидат евакуирани од Кабул.
Во Авганистан околу сто Украинци чекаат да бидат евакуиирани.
🇺🇦🇦🇫 A Ukrainian plane that arrived in Afghanistan to evacuate Ukrainians has been hijacked by unidentified people who flew it into Iran, Ukraine’s Deputy Foreign Minister Yevgeny Yenin said. According to him, the hijackers were armed. via TASS
— Velina Tchakarova (@vtchakarova) August 24, 2021