Полицијата соопшти дека е уапсена 28-годишната Ј.Ѓ. една од сопственичките на стотиците грла говеда кои се движат слободно во околината на Крива Паланка.

Таа била приведена во месноста Калин Камен, откако вработени во Агенцијата за храна и ветеринарство (АХВ) ја пријавиле дека ги спречувала да заловат дел од кравите кои се во сопственост на нејзиното семејство, кое ги „чува“ пуштени во природа.

Ова со години е проблем во повеќе села во околината, каде говедата слободно се движат и влегуваат во нивите и дворовите на други луѓе и прават штета.

„Ј.Ѓ. е задржана во полициска станица, а против неа ќе следува соодветна пријава“, пишува во полициското соопштение.

АХВ на крајот на минатиот месец соопшти дека заловила 92 од спорните крави, но и дека 20-тина од заловените говеда угинале, што отвори прашања за условите во кои државната агенција ги чува животните. АХВ тогаш како причина за угинувањето го наведе тоа што говедата не биле научени да живеат во затворен простор.

Дваесетина од кравите заловени во Кривопаланечко пцовисале, АХВ вели: Не можат да живеат во затворен простор