Американскиот претседател Доналд Трамп повторно го критикуваше НАТО. Тој во објава на социјалната мрежа „Трут Соушл“ напиша дека земјите членки на Алијанста не сториле ништо да им помогнат на САД во справувањето со Иран.

Земјите членки на НАТО не направиле апсолутно ништо за да помогнат со лудиот Иран, кој сега е воено десеткуван. На Соединетите Американски Држави не им е потребен НАТО, но „никогаш не заборавајте“ го овој многу важен момент“, напиша Трамп на својата мрежа „Трут Соушл“.

Трамп претходно остро ги критикуваше своите сојузници во Европа затоа што не ја поддржуваат повеќе неговата војна, пренесуваат медиумите.

Иако тврди дека не му е потребна нивната помош, американскиот претседател постојано ги критикуваше европските сојузници затоа што не прават ништо за да помогнат во војната што ја започнаа Вашингтон и Израел.