Претседателот на САД Доналд Трамп на социјалната мрежа Truth Social напиша дека канадскиот премиер Мек Карни, кого го нарече „гувернер“, многу греши „ако мисли дека ќе ја направи Канада транзитно пристаниште за Кина да испраќа стоки и производи во САД“. Тој изјави дека САД ќе воведат 100-процентна царина за целиот канадски увоз доколку Канада склучи трговски договор со Кина.

-Тогаш Кина би ја проголтала цела Канада, вклучително и „уништување на нивните бизниси, општествена структура и општ начин на живот, напиша Трамп.

Карни во понеделникот потпиша договор со кинескиот претседател Шји Џјинпинг во Пекинг со кој се намалуваат царините за електрични возила, земјоделски производи и други сектори.