Трамп се восхитувал на Путин бидејќи со Русија управувал како со своја лична компанија

Доналд Трамп и Владимир Путин / Фото Архива на СП

Според Коен уште една причина за восхитот на Трамп од Путин – е љубовта на Трамп кон парите. Американскиот претседател го сметал дека рускиот пеетседател за  најбогатиот човек во светот.  

Во својата книга која излегува во продажба во вторник, Мајкл Коен, поранешен личен адвокат на претседателот на САД, меѓудругото раскажува и за воодушевеноста на Доналд Трамп од стилот на владеење на рускиот претседател Владимр Путин и за неговиот потценувачки однос кон малцинствата, особено кон Афроамериканците. 

Коен пишува дека причината зошто Трамп се восхитувал од Путин е „поедноставна отколку што сметаат многу критичари”. Според ексадвокатот на претседателот, Трамп бил воодушевен што Путин „ја презел цела земја и управува со неа како со своја лична компанија – во суштина исто како (што Доналд Трамп управува) со Trump Organization

Според Коен уште една причина за восхитот на Трамп од Путин – е љубовта на Трамп кон парите. Американскиот претседател го сметал дека рускиот преетседател за најбогатиот човек во светот.  

Авторот укажува на веќе познатото тврдење за вмешаноста на Русија во изборите во 2016 година, кое всушност било засновано на взаемни интереси на Русите и Трамп, на штета на Хилари Клинтон, негова противкандидатка. 

Интересот на Трамп, пред сѐ, бил да изгради „Трамп” кула во центарот на Москва и да му го подари најубавиот пентхаус на Путин, а со тоа да дојде и до парите на руските олигарси. Сето тоа се правело на штета на „американските интереси, па макар тоа да било и вмашеност во изборите, предмет за кој Трамп ниту мува не го лазеше”, пишува Коен. 

Тој наведува дека во 2016 година за време на кампањата, Трамп ги потценувал малцинствата, велејќи за нив „тоа не се мои луѓе”, истакнувајќи „Никогаш нема да го добијам гласот на Јужноамериканците. Како црнците, тие се преглупави да гласаат за Трамп”. 

Според книгата Трамп искажувал опсесивна омраза кон Барак Обама, и сметал  дека единствена причина за уписот на експретседателот на САД на Универзитет Колумбија и завршениот Правен факултет на Харвард се „постапките поврзани со позитивната дискриминација”.  

Според Коен, претседателот на САД имал „ниско мислење за сиот црн народ”, тврдејќи дека Трамп еднаш за време на „брборење“ за Обама кажал „покажи ми една земја раководена од црн човек која не е валкано и неубаво место. Сите наликуваат на нужници”.  

Книгата открива дека шефот на државата бил запознат дека ја потплаќа порно звездата Сторми Дениелс да молчи за нивните односи

Коен работел како адвокат на Трамп од 2007 година. Во 2018 тој е осуден на три години затвор поради избегнување уплата на даноци, нарушени правила за финансирање на предизборна кампања и финансиски малверзации. Моментално казната затвор му е заменета со куќен притвор поради пандемијата на коронавирус.  

Портпаролката на Белата куќа, Кејли Мекенани, во изјава синоќа ја нападна веродостојноста на авторството на Коен укажувајќи дека „Мајкл Коен е посрамотен прекршител со одземена адвокатска лиценца кој го лажеше Конгресот. Го изгубил целиот кредибилитет и овој негов последен обид да профитира од лаги не е за изненадување,“ јави Вашингтон пост. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот