Американскиот претседател Доналд Трамп во вторникот предупреди дека федералната влада би можела да ја преземе контролата врз Вашингтон , главниот град на САД, доколку локалните власти не преземат мерки против малолетничкиот криминал во градот, кој според него е превисок.

„Законот“ во Вашингтон „мора да се промени за да се гонат овие „малолетници“ како да се возрасни и да одат во затвор долго време, почнувајќи од 14 години“, побара републиканецот преку Трут Сошал.

Доколку локалните власти не обезбедат „брзо“ враќање на контролата преку спроведување мерки, „нема да имаме друг избор освен да преминеме на федерална контрола“ врз градот, додаде тајкунот за недвижности, нагласувајќи дека американскиот главен град „мора да биде безбеден, чист и убав за сите Американци“, „за светот да го види“.

„Криминалот во Вашингтон е целосно надвор од контрола. Локалните „млади“ и членови на банди, некои на возраст од само 14, 15 и 16 години, случајно напаѓаат, ограбуваат, осакатуваат и пукаат во невини граѓани, знаејќи дека ќе бидат ослободени речиси веднаш. Тие не се плашат од органите за спроведување на законот бидејќи знаат дека ништо никогаш не им се случува, но ова ќе се случи сега!“, нагласи Трамп.