Американскиот претседател Доналд Трамп објави дека ќе укине дел од царините и ограничувањата за увоз на виски од Велика Британија, во чест на државната посета на кралот Чарлс и кралицата Камила на Соединетите Американски Држави, пренесе Ројтерс.

„Во чест на кралот и кралицата на Обединетото Кралство, кои штотуку ја напуштија Белата куќа и наскоро се враќаат во својата прекрасна земја, ќе ги укинам царините и ограничувањата за виски што се однесуваа на можноста Шкотска да соработува со американската сојузна држава Кентаки во производството на виски и бурбон, две многу важни индустрии во Шкотска и Кентаки. Луѓето го сакаат тоа веќе долго време, бидејќи постоеше голема меѓудржавна трговија, особено кога станува збор за дрвените буриња што се користат. Кралот и кралицата успеаја да ме поттикнат да направам нешто што никој друг не успеал, а притоа речиси и не мораа да ме прашаат! Голема чест е што ги угостив во САД“, напиша Трамп на социјалната мрежа „Трут соушал“.

Снобовски хумор во Белата куќа, кралот Чарлс го пецна Трамп: Да не бевме ние, вие ќе зборувавте француски