Американскиот претседател Доналд Трамп во четвртокот изјави дека САД треба да преговараат за „нов, подобрен и модернизиран“ нуклеарен договор со Русија, наместо да се согласат на продолжување на договорот „Нов СТАРТ“, објави „Си-ен-ен“.

„Наместо да го продолжиме ‘НОВ СТАРТ’ (лошо договорен договор од страна на САД кој, покрај сè друго, грубо се крши), треба нашите нуклеарни експерти да работат на нов, подобрен и модернизиран договор што ќе може да трае долго во иднина“, напиша претседателот на социјалната мрежа „Трут сошал“.

Последниот преостанат нуклеарен договор меѓу двете земји истекува во четвртокот и предизвика стравувања од нова трка во нуклеарно вооружување, при што двете најголеми нуклеарни суперсили за првпат по децении би останале без ограничувања на своите арсенали.

За потсетување, договорот за контрола на нуклеарното вооружување меѓу Русија и САД истече денеска, зголемувајќи го ризикот од нова трка во вооружување во која сè поголема улога ќе има и Кина.

На полноќ истекува договорот: САД и Русија без нуклеарни ограничувања по повеќе од половина век