Освен што би можел Александар Трајковски од гостувањето во Израел да си замине со триумф, со евентуални два голови против Израелците би го надминал рекордот на Ѓорѓи Христов.

Македонската А репрезентација денеска од 20.45 часот ќе го игра својот петти меч во квалификациите против Израел, а четири дена подоцна гостуваме и кај Летонците.

Јасно е дека фудбалерите ги очекува еден тежок натпревар, но најавуваат дека се подготвени за предизвикот. Имаат квалитет и сила да се надигруваат и да остварат добар резултат.

На вечната листа најдобри стрелци на нашата сениорска селекција на врвот е Горан Пандев кој моментно има 33 голови, второпласиран е Христов со 16, а еден помалку на третата позиција има Трајковски, колку што има и поранешниот репрезентативец Артим Шаќири.

Последен пат фудбалерот на Мајорка за националниот дрес стрелаше во Лигата на нации лани на 19 ноември во Скопје против Гибралтар (4:0).