Трајковски: Досега Делчево успешно се справува со Ковид-19
Имаме секојдневна координација. Се организираме, ги почитуваме мерките и препораките од Владата. Досега Делчево успешно се справува со Ковид-19, изјави за „Утрински брифинг“ на „Слободна ТВ“, Горан Трајковски, градоначалник на Делчево.
Граѓаните на Делчево ги почитуваат препораките, а во општината редовно се врши дезинфекција.
-Дезинфекција вршиме секојдневно. Уште од почетокот на кризата ние како општина ја сфативме сериозноста и комплексноста на ситуацијата и ги донесовме мерките – набавивме пола тон хлор, започнавме со дезинфекција на улиците, детските игралишта, институции. Делчевчани ја имаат сфатено сериозноста и го почитуваат полицискиот час, сметам дека така и ќе биде и за претстојниот викенд, изјави Трајковски.