Трагична несреќа се случила вчера во областа Крижевци во Хрватска, во која 48-годишен ветеринарен работник загинал откако кобила го удрила во градите додека тој ѝ вршел третман на копитата во шталата, пренесува хрватски „Индекс“.

Според информациите, човекот работел со кобилата во шталата кога животното одеднаш силно го удрило во градите со едната нога. Веднаш била повикана брза помош на местото на настанот, но и покрај укажаната медицинска помош, тој починал.

Телото е пренесено во Одделот за патологија на Општата болница Бјеловар, каде што по наредба на Окружното јавно обвинителство во Бјеловар ќе се изврши обдукција.

Полицијата спроведува истраги и ги утврдува сите околности на несреќата, по што надлежното државно обвинителство ќе поднесе извештај за случајот.