Енис Барди пред два дена со порака на социјалните мрежи најави останување во Трабзонспор, меѓутоа сега турските медиуми пренесуваат дека до турскиот клуб пристигнала официјална понуда за македонскиот репрезентативец.

Претходно Барди се поврзуваше со Жирона, Торино и ЛА Галакси, а сега се наведува дека понудата е од клуб од МЛС лигата, но неговото име не се открива.

Трабзонспор е спремен да го продаде Барди, меѓутоа наводно не се за сума помала од 4.5 милиони евра.

Засега нешто конкретно за понудата од САД нема, па останува во наредниот период да видиме дали ќе има нешто посериозно. Во Турција, Барди пристигна минатото лето од Леванте каде што помина пет години. Дресот на поранешниот турски шампион го носеше на 42 натпревари и постигна седум гола.