Тошковски се сретна со грчката амбасадорка, предложил мерки за проблемот со недостигот на обрасци за пасошите
Министерот за внатрешни работи, Панче Тошковски денеска се сретна со грчката амбасадорка во земјава, Софија Филипиду, соопштија од МВР.
На средбата, Тошковски го презентирал проблемот со недостигот на обрасци за пасошите и предложил мерки за негово решавање. Од МВР не соопштија за какви мерки станува збор.
Министерот Тошковски во интервју за „360 степени“ на МРТ најави дека ќе направи се’ што може грѓаните да не останат без документи по 12 февруари.
Тошковски посочи дека физички е невозможно да бидат издадени сите докумети до законски утврдениот рок. Најголемиот проблем, според него, е самото печатање и издавање на пасошите.
Ќе направиме сè за да го релаксираме процесот и ќе направиме сè за граѓаните на Република Македонија да не останат заробени после 12 февруари“, истакнува Тошковски.