Поранешниот напаѓач на Челси, Тимо Вернер е подготвен да му се приклучи на Тотенхем како позајмен од Лајпциг, пренесува „Атлетик“.

Клубовите ги финализираат деталите за позајмица со која Вернер ќе се пресели во северен Лондон до крајот на сезоната 2023/2024.

Манчестер јунајтед исто така ја следеше ситуацијата со Германецот, но 27-годишниот фудбалер е поблиску до преселба во составот на Анге Постекоглу.

Вернер дојде во Лајпциг од Челси за 47,5 милиони фунти во 2020 година, но не можеше да ја повтори својата голгетерска форма во Бундеслигата и се бореше да го задржи редовното стартно место во западен Лондон.

Тој постигна 23 гола на 89 натпревари за тимот од Стемфорд Бриџ, но се врати во Лајпциг во летото 2022 година, откако стартуваше само на 15 натпревари во Премиер лигата претходната сезона.

Вернер оваа сезона до сега настапи 14 пати за Лајпциг, постигнувајќи два гола и забележа една асистенција.

ВИДЕО: Лајпциг го промовираше македонскиот фудбалски „дијамант“ Елиф Елмас