Кошаркарите на Тиквеш Голден Игл, дојдоа до уште една важна победа, откако вечерва, пред своите гледачи во салата „Јасмин“ во Кавадарци беа подобар противник од МКК Куманово со 92:86. И по 20 одиграни кола во „МТЕЛ“ Супер лигата сега се на учинок 9-11, ист каков што има и екипата од Куманово.

Кумановци беа подобар ривал во првиот период, впрочем, имаа и минимална предност по 10 одиграни минути (22:21). Но работите почнаа да се менуваат, во корист на екипата од Кавадарци, во текот на втората четвртина. Онаа во која домашната екипа и ја обезбеди клучната позитива која го одреди и понатамошниот тек на мечот во салата „Јасмин“. Со себе понесоа позитива од девет поени (47:38), на полувремето.

Во текот на третиот период, разликата помеѓу двата ривали, сега и двата во трката за опстанок во друштвото на најдобрите, беше и поголема. Во 28 минута, Тиквеш Голден игл имаше и „плус 14“ (70:56), за тој дел од играта да финишира со нешто пониски 72:61. Ништо не се смени ниту во последните 10 минути од играта. Период во кој кавадарчани стекна уште повисока позитива (79:64) по 33 минута, а три минути потоа, таа предност беше и повисока (87:71).

Тоа како да ги задоволи момците на тренерот Атанас Манев, па до крајот, кумановци разликата ја сведоа на едноцифрена. Со тројката на Митевски, МКК Куманово дојде на (86:92), но време за нешто повеќе, едноставно немаше. Глигоријевиќ постигна дабл-дабл од 20 поени и 10.скока. На спротивната страна Радукиќ постигна 20 поени, а имаше и 14 скока.

МТЕЛ“ СУПЕР ЛИГА-МАЖИ

РЕЗУЛТАТИ 20.КОЛО

Работнички – Ангели 107:67
Гостивар – Маџари 86:66
Кожув – МЗТ Скопје Аеродром 88:80
Чаир 2030 – Феникс 2010 67:81
ТФТ – Пелистер 99:84
Тиквеш Голден Игл – МКК Куманово 92:86

ТАБЕЛА

1. ТФТ 20 18 2 1730:1489 38

2. МЗТ Скопје А. 20 18 2 1570:1365 37

3. Пелистер 20 14 6 1838:1630 34

4. Кожув 20 11 9 1663:16222 31

5. Маџари 20 10 10 1670:1659 30

6. МКК Куманово 20 9 11 1627:1597 29

7. Тиквеш ГИ 20 9 11 1647:1646 29

8. Чаир 2030 20 9 11 1618:1712 29

9. Работнички 20 8 12 1660:1623 28

10. Феникс 2010 20 8 12 1576:1620 28

11. Гостивар 20 5 15 1476:1592 25

12. Ангели 20 1 19 1358:1846 21

ИДНО КОЛО (28.03)

Ангели – Чаир 2030
МКК Куманово – Кожув
Феникс 2010 – Маџари
ТФТ – Гостивар
Пелистер – Тиквеш Голден Игл
МЗТ Скопје Аеродром – Работнички