Тијана Дапчевиќ ќе „Љуби, љуби довека“ на „Беовизија“: Пејачката во трка за претставник на Србија на „Евровизија 2022“
Пејачката и актерка Тијана Дапчевиќ ги потврди гласините дека ќе настапува на натпреварот за претставник на Србија на Евровизија 2022, Беовизија, откако веста се протече на српските медиуми.
„Да, точно е дека ќе настапувам на Беовизија, која се одржува на почетокот на март“, напиша Тијана на почетокот на нејзината објава на својот инстаграм-профил.
View this post on Instagram
Песната првично требаше да ја изведе Стефан Здравковиќ (Принц од Врање) и го носеше името „Ljubi svoga čoveka“. Текстот на песната е модифициран за да одговара на Тијана, а песната сега го носи насловот „Љуби, Љуби довека“.
„Имам сјајна песна, под назив “Љуби, љуби довека” за која музиката и текстот ги напиша мојата драга Леонтина Вукомановиќ @leontina012, аранжман и продукција Немања Филиповиќ“, напиша таа.
View this post on Instagram
Тијана секако им е позната на многу евровизиски фанови откако ја претставуваше Македонија на Изборот за песна на Евровизија во 2014 година со песната „To The Sky“, иако не успеа да се пласира во финалето. Нејзината сестра Тамара Тодевска, ја претставуваше Македонија во 2008 и 2019 година.
„Јас на секој фестивал до сега одев за да промовирам песна (што и виде на претодните фестивали каде се изненадував на својата победа), па така одам и на овој. Ќе биде тоа сјајна журка, учествуваат мои сјајни колеги и едвај чекам да ја слушнете оваа песна бидејќи сум убедена дека ќе ви се допадне!“