Само еден ден по големото „Ел Класико“, капитенот на Реал Мадрид, Дани Карвахал, доби непријатни вести кои сериозно ќе влијаат и врз тимот на Чаби Алонсо.

По направените медицински прегледи, лекарскиот тим на „кралскиот клуб“ утврдил дека во зглобот на десното колено има парче коска, поради што искусниот дефанзивец ќе мора да биде подложен на операција.

Според шпанските медиуми, Карвахал ќе отсуствува од терените меѓу два и три месеци, што значи дека за него 2025 година е завршена на фудбалски план.

Неговото место ќе треба да го пополни Трент Александер Арнолд, кој неодамна се врати по повреда и сè уште не е во најдобра форма.

Карвахал само што се опорави од мускулна повреда која го држеше надвор од терените речиси еден месец, а настапот против Барселона беше негов прв по пауза од пет натпревари. Новата повреда е сериозен удар за Реал, особено во деликатен период од сезоната.