Тетовец силувал петнаесетгодишно девојче во комбе, кое на мајката ѝ кажала што се случило , но таа била во врска со силувачот и не пријавила во полиција. Случајот го пријавила вчера бабата на девојчето, а се случил уште пред две години во 2024.

– На 28.05.2026 година, полициски службеници од СВР Тетово лишија од слобода две лица на возраст од 58 и 37 години, двете од села на подрачје на Тетово. Претходно, истиот ден во 16:45 часот, во СВР Тетово, 62 годишно лице исто така од тетовско село пријавила кривично дело „полово вознемирување“ со елементи на обљуба извршено врз нејзината малолетна внука од страна на 58 годишното лице. Според пријавеното настанот се случил во декември 2024 година, кога тогаш 15-годишната малолетничка се враќала од Тетово со комбе кое го управувал пријавениот, при што истиот со употреба на физичка сила извршил обљуба врз неа. По извесен период малолетничката го раскажала настанот на нејзината 37 годишна мајка која била во врска со 58 годишното лице но истата не го пријавила настанот – соопшти МВР.

Осомничените се задржани во полиција и против нив ќе има пријава.