Напаѓач, кој според информациите е син на полициски командир во градот и од порано е познат како насилник, крвнички претепал сограѓанин, кој потоа е пронајден со тешки повреди во дупка од зграда во изградба.

Според сведоци на бруталниот напад, 27-годишниот напаѓач го удрил 42-годишниот човек во главата со стаклено шише.

„На 15.10.2025 во 05:20 часот на крстосница од улица „Благоја Тоска“ со улица „Борис Кидрич“ во Тетово, полициски службеници од СВР Тетово го лишија од слобода Ф.Д.(27) од Тетово, постапувајќи по претходна пријава дека физички го нападнал А.К.(42) од Тетово. А.К. е пронајден со повреди во ископана дупка од објект во изградба и поради сериозноста на повредите е пренесен во комплексот клиники „Мајка Тереза“ во Скопје. Ф.Д. е задржан во полициска станица и по документирање на случајот, против него ќе следува соодветна пријава“, велат од СВР Тетово.