Две тинејџерки на возраст од 16 и 17 години се тешко повредени откако паднале од санка на која со автомобил по снежна улица ги влечел пријател во село кај Краљево, Србија, а потоа ги прегазил автомобил кој го возел нивен другар, објави „Телеграф“.

Страшната сцена се случила во четврток околу 22 часот, кога 19-годишно момче, возејќи автомобил „фолксваген“ со условна возачка дозвола, влечел санка на кои биле девојките. Во еден момент тинејџерките паднале од санката, по што на нив налетал 35-годишен возач, нивен другар кој возел зад нив со „фиат“ за да спречи да налета друго возило, но и самиот не успеал да запре навреме.

Двете девојки веднаш биле пренесени во болницата во Краљево. Едната имала тешки повреди на нозете, а другата повреда на главата. Полицијата веднаш ги уапсила возачите, кои се товарат за тешки кривични дела против безбедноста на јавниот сообраќај.

На социјалните мрежи се појави вознемирувачка снимка од несреќата, објавена од новинарот Младен Мијатовиќ. Непосредно пред моментот на несреќата се слуша како една од тинејџерките вреска и извикува до момчето кое ја снима од багажникот: „Кажи му да забави!“.

Nesreća se dogodila kada je 19-godišnjak, vozeći s probnom dozvolom, vukao sanke po zaleđenoj cesti. Iza njih se kretao drugi automobil koji je navodno služio kao „osiguranje“.

Međutim, kada su djevojke zbog neravnine pale u snijeg, vozač drugog automobila nije uspio na vrijeme… pic.twitter.com/O3t3J3j9VQ

— Dominik Alpeza (@alpezad) January 11, 2026

„Кажи му да забави. Никогаш не правете нешто слично. По снегот е тешко да се запре возилото, а несреќа може да се случи за една секунда. Малолетните девојки се тешко повредени, а двајцаата возачи се уапсени“, напиша новинарот Мијатовиќ.