Тажна вест: Почина големиот Мирко Новосел
Еден од најтрофејните европски кошаркарски тренери, Мирко Новосел, почина на 85-годишна возраст.
Новосел ќе остане запаметен како творец на славната генерација на Цибона во 1980-тите, а беше примен и во Куќата на славните. Како играч цели 14 години го носеше дресот на Локомотива Загреб, а веднаш потоа ја започна успешната тренерска кариера.
Со Цибона трипати ја освојуваше шампионската титула на Југославија, а двапати Купот на европските шампиони. Сите успеси беа остварени откако ги доведе Крешмир Ќосиќ и Дражен Петровиќ.
Репрезентацијата на Југославија ја предводеше до сребро на Олимписките игри во 1976 година во Монтреал и бронза на ОИ 1984 година. На репрезентативно ниво стана и двократен европски шампион и светски вицешампионо. Успешно ја водеше и Хрватска со која го освои третото место на Европското првенство во 1993 година.
Сосема заслужено во 2007 година беше примен во Куќата на славните во Спрингфилд.