Секој што сака да готви, без разлика дали е аматер или професионалец како славниот британски готвач Џејми Оливер, има своја тајна за совршено печени компири. Некои ја чуваат и не ја откриваат никому таа тајна, додека други ја споделуваат и на социјалните мрежи. Така е случајот со овој трик, кој секогаш овозможува да добиете совршено печени компири со крцкава кора.

И покрај сите варијации за должината на готвење, кога е најдобриот момент за посолување и дебатата дали компирот треба да се лупи или не, за најкрцкавиот компир што некогаш сте го пробале, потребна е само сода-бикарбона.

Пред да ги ставите да се печат компирите, прво треба да ги измиете и излупите, а потоа да ги исечете на парчиња со големина по ваш избор, по можност сите парчиња да се исти. Пред да ги ставите да се варат, водата треба да зоврие, а потоа да додадете сол. Во тој момент треба да додадете и лажица сода-бикарбона, која е заслужна за крцкавата коричка на компирите.

Потоа, продолжете со готвењето на вообичаен начин. Односно, компирите варете ги 20-25 минути, да омекнат. Садот за печење загрејте го во рерна на 180 степени. Компирите исушете ги, зачинете ги со сол, со рузмарин и со малку масло. Промешајте ги и ставете ги во садот за печење во кој сте ставиле малку масло, а потоа ставете ги да се печат во претходно загреана рерна, 35-40 минути.

Во текот на печењето повремено мешајте ги, за да овозможите содата да дејствува на површината од компирите. Овој едноставен трик ќе ве воодушеви.