Тајландските воздухопловни сили повторно употребија борбени авиони за напад врз камбоџански позиции во близина на спорната граница меѓу двете земји, пренесува весникот „Нејшн“, повикувајќи се на соопштение од тајландските воздухопловни сили.

Ова е втор воздушен напад во текот на истиот ден. Според информациите, околу 16:40 часот по локално време, четири ловци Ф-16 извршиле операција во рамки на мисијата „Џута Бодин“, при што фрлиле бомби врз команден пункт на камбоџанската армија.

ВИДЕО | Вооружен конфликт меѓу војската на Тајланд и Камбоџа, загина најмалку еден цивил

Метата се наоѓала јужно од храмот Та Муен Том, во регион кој долго време е предмет на територијален спор меѓу Тајланд и Камбоџа.

Во соопштението се наведува дека операцијата била „успешно извршена“ и дека сите воздухопловни сили се вратиле во базите до 17:00 часот по локално време.

Нападот доаѓа во време на зголемени тензии долж границата, иако засега нема официјална реакција од камбоџанските власти. Според регионални аналитичари, ескалацијата може да доведе до повторно заострување на односите меѓу двете земји, кои имаат историја на вооружени конфликти околу територијални прашања.

Тајланд ја затвори границата со Камбоџа, се водат борби во најмалку шест области