Тадиќ: Можно е скандалот во српското Собрание да е договорен од Вучиќ и опозицијата
Поранешниот претседател на Србија Борис Тадиќ денеска соопшти дека не ја исклучува можноста „скандалот“ во републичкиот парламент да го договориле претседателот Александар Вучиќ и дел од опозицијата, пренесе Бета.
„Ова е толку бизарно што не ја исклучувам можноста овој скандал во парламентот да е договорен меѓу Вучиќ и дел од опозицијата, бидејќи и за двајцата медиумските настапи и личниот рејтинг се над угледот и интересите на Србија, објави Тадиќ на Твитер.
Ovo je toliko bizarno da ne isključujem mogućnost da je ovaj skandal u skupštini dogovoren izmedju Vučića i dela opozicije, jer i jednima i drugima su medijske predstave i lični rejting iznad ugleda i interesa Srbije!
— Boris Tadić (@BorisTadic58) February 2, 2023
Тој го обвини претседателот на Собранието, Владимир Орлиќ, дека „бесрамно“ ја обвинува опозицијата за напади додека „Пратениците на СНС пцујат и физички им се закануваат на пратениците од опозицијата“.
„Овие слики од собранието се сведоштво дека оваа власт ги уништи темелите на нашето општество, а не само на институција како собранието…Скандалозно однесување на претседателот на Србија, најголемиот дел од власта и најголемиот дел од опозицијата“, напиша Тадиќ.
Тадиќ потсети дека Вучиќ пред неколку дена изјавил дека ќе ги спроведе принципите на француско-германскиот предлог за решавање на косовското прашање.
Попладнево целосен хаос се случи во српското собрание, каде српскиот претседател Александар Вучиќ се обрати пред пратениците, објавувајќи ги деталите од европскиот предлог.
Ovo je suština opozicije!
Zbog ovoga su danas došli!
Da prave cirkus i incidente i da spreče da se čuje istina koliko puta su prodali, preprodali, poklonili interese Srbije!
Građani sa galerije NSRS koji su došli sa KiM odgovorili su im:” Aco Srbine, Srbija je uz tebe!” pic.twitter.com/LUgHQZOoKI— Sandra Bozic (@BozicSandra) February 2, 2023
Претставници на српската опозиција, предизвикаа инцидент и го прекинаа излагањето на српскиот претседател Александар Вучиќ за европскиот предлог за решение за односите со Косово.
Говорот на Вучиќ беше прекинуван со извици „Предавство“ и „Косово е Србија“, по што тој ја обвини опозицијата дека таа веќе го дала Косово.
„Го подаривте Косово! Ние го браниме Косово од такви како вас! Срам да ви е, лажговци!“ извика српскиот претседател.
Вучиќ ја обвини опозицијата дека најмногу ракоплескала кога се споменувало името на поранешниот претседател на Србија, Воислав Коштуница.
Во исто време пратениците извикуваа, пееја и свиреа за да го спречат Вучиќ да зборува.
На инцидентот му претходеше говор на лидерот на Двери, Бошко Обрадовиќ, кој повика на отфрлање на француско-германскиот план, сакајќи, како што наведе, „да го спречи претседателот да ја предаде Србија“.
Во Собранието на Србија работата беше накратко прекината, бидејќи по вербалниот конфликт меѓу опозицијата и претседателот Вучиќ дојде и до физичка пресметка.
Помала група луѓе се собрааа пред српскиот Парламент во моментот додека трае седницата за Косово, која, според претседателот на Собранието Владимир Орлиќ, ќе продолжи и по 18 часот.
